باغي ټي وي رپورټ
د سعودي عربستان د شاهي ماڼۍ لخوا په خپره شوې خبرپاڼه کې د شهزاده طلال بن منصور بن عبدالعزیز د مړینې خبر ورکړل شوی دی.
د سعودي د رسمي خبري اژانس د راپور له مخې د شهزاده طلال بن منصور د جنازې لمونځ د جولای په دویمه نېټه د یکشنبې په ورځ د مکې مکرمې په جامع جومات کې ادا شو.
د عربي ميډيا له مخې شهزاده طلال بن منصور د ۱۹۵۰م د جنورۍ په لومړۍ نېټه زېږېدلی، هغه يو مشهور سرمايه دار او د سعودي د اتحاد التحاد کلب پخوانی مشر و.
شهزاده طلال بن منصور خپل ماشومتوب په طائف ښار کې تېر کړی، د سعودي عربستان د دفاع پخوانی وزیر شهزاده منصور بن عبدالعزیز پلار یې و.
شهزاده طلال خپلې لومړنۍ زده کړې په جده کې کړي او د امریکا د سوداګرۍ مدیریت له کالج څخه یې ډیپلوم ترلاسه کړی دی.
Leave a Reply