باجوړ کښي سکيورټي فورسز کارروائي کښي دري ترهګر وژلي دي۔

باغي ټي وي رپورټ

د پاکستان د پوځ د عامه اړیکو څانګې ISPR لخوا په یوه خپره شوې خبرپاڼه کې ویل شوي، چې امنیتي ځواکونو د باجوړ په عنایت قلعه سیمه کې د ترهګرو د موجودیت په اړه د استخباراتي معلوماتو پر اساس عملیات کړي دي.

د آئي ايس پي آر ترمخه د سکيورټي فورسز او ترهګرو ترمينځه د ډزو تبادله شوي ده چي پکښي د شفيع په شمول 3 ترهګر وژل شوي او د وژل شوؤ ترهګرو نه وسله او بارودي مواد هم ترلاسه شوي دي۔

د پاکستان د پوځ د عامه اړیکو د څانګې په وینا، دغو ترهګرو د امنیتي ځواکونو پر ضد په کړنو او د بې ګناه ملکي وګړو په وژلو کې لاس درلود.