د حج مراسم به نن پیل شي، حاجیان به نن د مازدیګر له لمانځه مخکې منی ته رسېږي.

باغی ټي وي رپورټ

په منی کې د حاجیانو لپاره د خیمو ځای پرځای شوی او حاجیان به په منی کې شپې سبا کوی.

د سه شنبې په ورځ به د فجر له لمانځه وروسته حاجیان له منی څخه میدان عرفات ته ځي، په داسې حال کې چې د حج اصلي رکن «وقوف عرفه» به د سه شنبې په ورځ ترسره شي.

د يادونې وړ ده، چې سږ کال له ټولې نړۍ څخه څه دپاسه ١،٦ ميليونه حاجيان د حج د فريضې ادا کولو لپاره حجاز ته رسېدلي دي.

ياده دې وي چې سږ کال ۱۵۷ زره پاکستاني حاجيان د حج د فريضې ادا کولو لپاره سعودي عربستان ته رسېدلي دي.

د پاکستاني چارواکو په وینا، په مینا کې د پاکستان د حج ماموریت دوه کمپونه جوړ شوي، چې د ورکېدو او رغولو څانګه، لارښوونې، شکایتونه او د څارنې میز به ۲۴ ساعته کار کوي.