په اسلام اباد کې دامريکا سفير ډونلډ بلوم وئيلي دي چې امريکا دپاکستان تر ټولو لوى دوه اړخيزه تجارتي شريک دى اؤ پاکستان سره ددوه اړخيزو اړيکو، تجارت اؤ سرمايه کارۍ ته وده ورکولو ته ژمن دى.

باغی ټي وي رپورټ

په پاکستان کې د متحده ایالاتو سفیر ډونالډ بلوم د متحده ایالاتو او پاکستان “شنه اتحاد” له لارې د قوي دوه اړخیز اقتصادي ملګرتیا د ټینګولو لپاره کراچۍ ته سفر وکړ.

د امريکې سفير ډونلډ بلوم او قونصل جنرل تيريو د 247مې خپلواکۍ ورځې په مراسمو کې د سندهـ ګورنر کامران ټيسوري، وزيراعلي مراد علي شاه او نورو سياسي، سوداګريزو او مدني ټولنې مشرانو سره وکتل.

ډونلډ بلوم له وزيراعلي سره په ليدنه کې د پاکستان او امريکا ترمنځ د سوداګرۍ او اقتصادي همکاريو پراخولو او نورو ګډو لومړيتوبونو په اړه خبرې وکړې.

د امریکا سفیر د بهرنیو پانګوالو د سوداګرۍ او صنایعو خونې، امریکن بزنس کونسل او د صنعت له نورو مشرانو سره په لیدنه کې وویل چې د دوه اړخیز تجارت او پانګونې د ودې لپاره ژمن دی.

هغه وویل چې امریکا د پاکستان تر ټولو لوی دوه اړخیز تجارتي شریک او د پاکستان د مستقیمې بهرنۍ پانګونې یوه لویه سرچینه ده.

د امريکې سفير د جوائنټ میری ٹائم انفارمېشن کمانډ سنټر هم دوره وکړه او د کمانډر کمانډر COM کوسټ ريئر اېډمرل راجا رب نواز سره يې ملاقات وکړو، ملاقات کښې په سيمه کښې د سمندري امن او استحكام لپاره د ګډو مقاصدو په پرمختګ اتفاق وشو۔

د امريکې سفير ډونلډ بلوم کراچۍ ته د خپل سفر په موقع په بحري اکاډمۍ کې پيل شوې مشقونه هم وليدل.