د ترهګرۍ ضد څانګې (سي ټي ډي) په پېښور کې د سکه تبعه من موهن سنګ د هدفي وژنې په اړه د استخباراتي بنسټ عملیات پیل کړي دي.

باغی ټي وي رپورټ

د سي ټي ډي زرائعو ترمخه د منموهن سنګ د هدفي وژنې په اړه انټليجنس بيس اپريشن شروع کړے شوے وو، تيره شپه ناوخته ککشال او شاوخوا سيمو کښې جيو فينسنګ کړے شوے وو چې پکښې سي ټي ډي ټيم د پيښي په اړه د عيني شاهدانو بيانونه هم ريکارډ کړي وو۔

د سي ټي ډي سرچينو له مخې د پېښې له ځايه ترلاسه شوې خولۍ به فارنزك لپاره لېږلې شي.

سي ټي ډي د پلټنو لپاره څو شکمن کسان نيولي دي۔

د زرائعو ترمخه د سي ټي ډي ټيمونو د ښار سي سي ټي وي فوټيج کتلي دي چي پکښي دوه ورځو کښي د سکهانو د جماعت سره تعلق لرونکي دوه کسان په ډزو ويشتلي شوي دي، سي ټي ډي د دواړو پيښو ثبوتونه راټول کړي او تحقيقات ئي جاري ساتلي دي۔

سرچينې زياته کړې، چې په پېښو کې کارول شوې مرمۍ د جنايي جرمونو پر وړاندې د مبارزې مديريت ته سپارل شوې دي.