باغي ټي وي رپورټ
د پي ټي آئي چيئرمېن د پي ډي اېم په حکومت نيوکه کړې او وئيلي يې دي چې د پاکستان په ضد د امريکې صدر بائيډن او د هند وزيراعظم نريندرا مودي ګډ بيان د پي ډي ايم حکومت سفارتي ناکامي په ډاګه کوي .
د پي ټي آئي د چيئرمېن نيوکې په ځواب کې د بهرنيو چارو وزير بلاول بهټو زرداري د ۲۰۲۰م کال په فبرورۍ کې هند ته د امريکا د پخواني صدر ډونلډ ټرمپ د سفر په موقع يو بيان شريک کړو.
د بلاول بوټو لخوا شریک شوي بیان کې، ټرمپ او مودي د پولې هاخوا ترهګري وغندله او له پاکستانه یې وغوښتل چې د ممبۍ او پټانکوټ په څیر بریدونو کې د ښکیلو ټولو ترهګرو ډلو پر ضد اقدام وکړي.
په زړه پورې خبره دا ده چې د ۲۰۲۰ کال او د امریکا-هند په نننۍ اعلامیې کې هم د پاکستان په اړه هم ورته خبره شوې ده.
Leave a Reply