د پي ټي ائي مشران شاه محمود قرېشي او اسد عمر د مې د نهمې د تشدد په مقدمو کې د ضمانت په درخواستونو عدالت ته حاضر نه شول، چې له امله يې عدالت دواړو مشرانو ته تر سبا پورې نور وخت ورکړ چې عدالت ته حاضر شي.

باغی ټی وی رپورټ

د اسلام اباد هائي کورټ جسټس ارباب محمد طاهر د نهم مئ په ترنول پوليس سټيشن کښې درج مقدمو کښې د پي ټي آئي د پخوانيو وفاقي وزيرانو شاه محمود قريشي او اسد عمر د ضمانت درخواستونو اوريدنه وکړه۔

د عریضه کوونکو وکیل علي بخاري ویلي، چې دواړه مشران سهار اوه نیمې بجې سترې محکمې ته د حاضریدو لپاره راغلي وو، خو پولیسو د محکمې ودانۍ ته د ننوتو مخه ونیوله.

وکیل علي بخاري دا هم وویل کله چې پولیسو د های کورټ دروازه وتړله نو بیرته راستانه شول، محکمه کولی شي د های کورټ دروازې سي سي ټي وي فوټیج وګوري.

عدالت د وکيلانو درخواست په منلو سره اوريدنه وځنډوله چې شاه محمود قرېشي او اسد عمر ته دې تر سبا پورې حاضرېدو وخت ورکړل شي.

ياده دي وي چي د اسلام آباد سيشن کورټ دوه ورځي وړاندي د شاه محمود قريشي او اسد عمر د ضمانت درخواستونه مسترد کړي وو او دوي هائي کورټ ته رجوع کړي وه۔

شاه محمود قریشي او اسد عمر د ضمانتونو له ردېدو وروسته په یوه موټر کې له محکمې څخه وتښتېدل.