په لاهور کې د فساد ضد محکمې د پنجاب د پخواني اعلی وزیر او د پاکستان تحریک انصاف ګوند مشر چوهدري پروېز الهي ضمانت منظور کړی دی.

باغی ټی وی رپورټ

دپنجاب اسمبلۍ کې دغيرقانوني بھرتيو په مقدمه کې دکرپشن دمخنيوي محکمې قاضي علي رضا تيره ورځ فيصله محفوظ کړې وه کومه چې نن اورول شوې ده.

د فساد ضد عدالت قاضي علي رضا چوهدري پروېز الهي د لس لاکه روپو په ضمانت منظور کړی دی.

ياده دې وي چې چوهدري پروېز الهي د جون په لومړۍ نېټه په لاهور کې د هغه کور ته څېرمه نيول شوی و.پروېز الهي د فساد ضد پوليسو نيولی و.

د پنجاب اسمبلۍ کښې د پرويزالهي خلاف په حکومتي قراردادونو کښې د غيرقانوني ګومارنې او کميشنونو اخستو په تور کښې مقدمې درج کړې شوي دي، د لاهور په پوليس سټيشن کښې د هغه خلاف په حکومت کښې د مداخلت او د پوليسو په ضد د تشدد مقدمه هم درج شوې ده۔