لغمان ولایت کې پر یوه قاتل د قصاص الهي حکم تطبیق شو

لغمان ولایت کې پر یوه قاتل د قصاص الهي حکم تطبیق شو

په هغه غونډه کې چې په همدې مناسبت جوړه شوې وه د سترې محکمې د جزاء دېوان عمومي رئيس مفتي عتیق الله( درویش)، د اسلامي امارت ګڼ شمېر مسؤولینو او عامو هيوادوالو برخه اخیستې وه.
غونډه په هیواد کې د سرتاسري امنیت د لاټینګښت، د خلکو شرعي حقونو ته د لا رسېدا او د اسلامي شریعت د لا ښه تطبیق لپاره په دعاء او د مقتول د وارثینو لخوا د قاتل په وژنه او په دې اړوند د الله تعالی د ستر حکم قصاص په تطبیق پای ته ورسېده.

(2023 / 6 / 20    نېټه باغي ټلویزیون)

بشپړ راپور 

نن سه شنبه (۱۴۴۴/۱۲/۲ ھ.ق نېټه) د لغمان ولايت مقام تر څنګ عیدګاه مسجد کې پر یوه قاتل د قصاص الهي حکم تطبیق شو.

د اجمل په نوم دغه قاتل د نسيم زوی د کابل ولایت د ګلدرې ولسوالۍ فعلي اوسېدونکی و.

په دوو مرحلو کې دا قتلونه تر سره شوي وه، چې لومړی قتل یې د ناریه اسلحو په توسط د شپې په یوه بجه کور ته په اووښتلو سره د لغمان ولایت قرغیو ولسوالۍ د اوسېدونکي جمعه خان اولادونه هر یو اسحاق، حکیم الله، حقیار او لایقه وژلي، او په دوهمه مرحل کې د ټوپک په ذریعه سیدولي مشهور په شینا ولد جمعه خان وژلی.
د ننګرهار زون د ابتدائیه محکمې له لوري په اوله دعوی کې د مدعي د شاهدانو د نه موجودیت او د مدعي له لوري مدعي علیه ته د قسم په نه ورکړي قضاء بالترک فیصله صادره کړه، او په دوهمې دعوی کې فیصله قضاء بالالزام بناء په اقرار صادره کړه.
دغه موضوع د اسلامي امارت محاکمو ته له راجع کېدو وروسته د اسلامي امارت د درې ګونو محاکمو (ابتدائیه، مرافعه او تمیز) لخوا په ډېر دقیق ډول وڅېړل شوه چې د هرې محکمې لخوا پرې د قصاص حکم صادر شو.

وروسته دغه حکم د اسلامي امارت د زعیم عالیقدر امیرالمؤمین حفظه الله حضور ته د تائید لپاره وړاندې شو.
د عالیقدر امیرالمؤمنین حفظه الله لخوا هم د دې موضوع په اړه د وروستي احتیاط په منظور فوق العاده څېړنه وشوه او له علماء کرامو سره په یوه ستره مجموعه کې پرې بحث وشو چې په پای کې یې پر قاتل د قصاص شرعي حکم تائید او د هغه د تطبیق امر یې ورکړ.

د دغه حکم د تطبیق لپاره د هیواد سترې محکمې ته هدایت وشو چې د قصاص یاد حکم باید نن سه شنبه د ۱۴۴۴ هـ ق کال د ذوالحجې میاشتې په ۲مه نېټه د لغمان ولایت په مرکز کې تطبیق کړي.
په هغه غونډه کې چې په همدې مناسبت جوړه شوې وه د سترې محکمې د جزاء دېوان عمومي رئيس مفتي عتیق الله( درویش)، د اسلامي امارت ګڼ شمېر مسؤولینو او عامو هيوادوالو برخه اخیستې وه.

اړوند موضوعات: 

یوناما اجرا حکم قصاص در فراه را محکوم کرد

غونډه په هیواد کې د سرتاسري امنیت د لاټینګښت، د خلکو شرعي حقونو ته د لا رسېدا او د اسلامي شریعت د لا ښه تطبیق لپاره په دعاء او د مقتول د وارثینو لخوا د قاتل په وژنه او په دې اړوند د الله تعالی د ستر حکم قصاص په تطبیق پای ته ورسېده.