د پاکستان تحریک انصاف ګوند د پنجاب اسمبلۍ پخوانۍ غړې ثانیه کامران په پیپلز پارټۍ کې شامله شوې ده.

په لاهور کې د پيپلز ګوند له مشرانو سره د خبري غونډې پر مهال ثانيه کامران وويل، چا چې سياست پرېښودو اعلان کړی، بايد له ولس او پوځ څخه بښنه وغواړي او د مې د نهمې په پېښه کې ککړ ټول کسان دې د قانون منګولو ته وسپارل شي.

ثانيه کامران وويل نن يواځې اصف زرداري کولاى شي ټول اسټيک هولډران په يو ميز ناست کړي، زه دپيپلز ګوند له ووټرانو او ملاتړ کوونکو څخه غوښتنه کوم چې زما خبره ومني.

د پي ټي ائي پخوانې مشر وويل چې د نهم مۍ نه وروستو کومې پيښې شوي هغه ډير د افسوس وړ دي، د عمران خان په شاوخوا کې خلک د تشدد سياست کول غواړي، زه په پنجاب کې له تيرو ١٥ کلونو راهيسي سياسي مبارزه کوم، شخصيتونه ريډ لاين نه دي، پاکستان ريډ لاين دی.

په پنجاب کې د پيپلز ګوند مقبوليت يو ځل بيا دوام لري: حسن مرتضی
په دې موقع د پيپلز پارټۍ مشر حسن مرتضي ووئيل چې په پنجاب كښې يو ځل بيا د پيپلز ګوند مقبوليت دوام لري، مونږ غواړو چې د ځمكې د سطحې خلك زمونږ سره يو ځاى شي.

زما غوښتنه دا ده چې هغه کسان چې دسیسې جوړونکي دي بښنه دې ومني، دې کسانو یو نیم کال په سیستماتیک ډول ځوانان جنګولي، اصلي تورن کسان دي.