په کراچۍ کې د دفعه ١٤٤ نه په سرغړونې ساحل ته تلونکي ١٧ کسان نيول شوي دي.

باغی ټی وی رپورټ

تيره ورځ د طوفان بپارجوى د احتمالي شدت له امله کمشنر کراچۍ په ساحلي سيمو کې دفعه 144 نافذه کړې او په ماهي گيرۍ هم بنديز لګول شوى دى.

په هرصورت، د سه شنبې په ورځ په کراچۍ کې، 17 هغه کسان چې د دفعه 144 څخه سرغړونه کې ساحل ته تللي نیول شوي او مقدمې درج شوي دي.

د راپورونو له مخې د کراچۍ په جنوبي ضلع کې ۳۶ ودانۍ خطرناکې اعلان شوي او په ودانیو کې دوکانونه سیل شوي دي.

بل لوري ته په ډي ایچ اے فیز 8 کې په ساحل کې ټول رستورانتونه تړل شوي او په ارام باغ، صدر، لیاري کې پناهځایونه جوړ شوي دي.

ياده دې وي چې بپر جوى چې د پاکستان او هند پر لور روان دى، د يوه ډېر سخت سايکلون توفان په لور ښکته شوى دى.

د هوا پېژندنې ادارې د اټکلونو له مخې، دا طوفان به د جون په ۱۵ مه ماسپښین یا ماښام د سند ایالت او د هند ګجرات ایالت د کاټي بندر تر منځ راښکته شي، په طوفان کې د باد سرعت ښايي په ساعت کې له ۱۰۰ تر ۱۲۰ کیلومترو پورې وي.