د پاکستان د ستر سیاستوال جهانګیر ترین د نوي سیاسي ګوند لپاره ۲ وړاندیز شوي نومونه.

دسرچينو ترمخه جهانګير ترين دپارټۍ د نوم په اړه د مشورې عمل تيز کړى دى او تمه ده چې جهانګير ترين به په دريو څخه تر څلورو ورځو کې دپارټۍ اعلان وکړي.

د سرچينې په وينا، د ترين ګروپ د نوي سياسي ګوند لپاره د عوام دوست ګوند او پاکستان انصاف ګوند په نومونو غور کېږي.

د ترين د ډلې سرچينې وايي، چې د دواړو نومونه لا نهايي نه دي، په دې اړه سلا مشورې روانې دي، د ګوند له غړو سره سلا مشورې روانې دي، ښايي کوم بل نوم هم مخې ته راشي، چې له مشورې وروسته به يې اعلان کړي.

ياده دي وي چي جهانګير ترين قانوني ټيم ته د پارټئ رجسټريشن لپاره د فوري ګامونو پورته کولو وظيفه ورکړې ده، قانوني ټيم به د پارټئ نوم او اليکشن کميشن ټول ضرورتونه پوره کوي۔

دسرچينو ترمخه دغه درخواست به راتلونکې اوونۍ ټول قانوني شرطونه پوره کولو وروستو دټاکنو کميشن ته وړاندې کړل شي.