د عمران خان ضمانت د 190 ملیون پاونډ سکیم پشمول نورو مقدمو کښې هم منظور شوې دې

باغی ټی وی رپورټ

د 190 ملیون پاونډ سکیم کې احتساب عدالت د پاکستان تحریک انصاف مشر عمران خان د جون تر 19مې نیټې پورې ضمانت منظور کړی دی.

عمران خان د اسلام آباد هائي کورټ په حکم د اسلام آباد احتساب عدالت ته رسیدلی او د ضمانت درخواست ئي جمع کړی دی.

قاضي محمد بشير د ۱۹۰ ميليونه پاونډ سکینډل کې د عمران خان د ضمانت درخواست اورېدلی.

عدالت پوښتنه وکړه چې د اسلام اباد هائي کورټ څه حکم ورکړی دی؟ د عمران خان وکيل خواجه حارث وايي، اسلام اباد هايي کورټ اړوند عدالت ته د رجوع کولو لپاره درې ورځې وخت ورکړی دی.

قاضي محمد بشير وويل چې نن مو درخواست جمع کړ؟ وکيل وويل دعمران خان دضمانت درخواست تيار کړى شوى دى اؤ که ضرورت شو نو نن به يې جمع کوي اؤ اي ټي سي به دجون په ١٧مه نيټه حاضريږي.

احتساب عدالت د عمران خان ضمانت تر ۱۹م جون پورې د ۵ لاکه روپو په ضمانت منظور کړی دی.