باغی ټی وی رپورټ
د ليک په متن کې راغلي، چې په پاکستان کې بايد د سوله ييزو لاريونونو اجازه ورکړل شي، په پاکستان کې د بې ګناه وګړو، خبريالانو او نورو نيولو په ګډون د تاوتريخوالي د ټولو پېښو غندنه وشي.
په متن کې راغلي، چې د نيول شويو کسانو پر ضد دې په ملکي محکمو کې دوسيې وڅېړل شي، د عمران خان پر ضد دې تورونه په علني محکمه کې روښانه شي او پاکستانيان دې د ازادو او رڼو ټاکنو له لارې د خپل برخليک پرېکړه وکړي.
د لیک په متن کې دا هم لیکل شوي چې موږ به په پاکستان کې د جمهوري ارزښتونو د حاکمیت ملاتړ کوو، موږ د پاکستان د وضعیت په اړه ستاسو د کوټلي ځواب په تمه یو.
دغه لیک د کاناډا د پارلمان غړو اقرا خالد، شفقت علي، سمیر زبیري، پال ژیانګ، یاسر نقوي او نورو لاسلیک کړی.
Leave a Reply