نيب راولپنډۍ عمران خان او بشرا بي بي ته د برطانيې نيشنل کرائم ايجنسئ نه د 190 ميليونه پاونډز اخستو په مقدمه کښې طلب کړي دي ولي د پي ټي آئي چيئرمېن نن نېب کښې حاضر نه شو.

باغی ټی وی رپورټ

سرچينې وائي چې وکيلانو عمران خان ته مشوره ورکړې ده چې په شخصي توګه نيب ته حاضر نۀ شي.

عمران خان ته سپارښتنه شوې چې د وکيلانو له لارې نېب ته شل نکاتي ځوابونه او اسناد ورکړي.

په دې لړ کښې نيب ته تيره ورځ زمان پارک کښې درې پاڼيزه نوټس ترلاسه شوے وو چې پکښې عمران خان ته نن سحر لس بجې نيب راولپنډۍ کښې د وړاندې کېدو هدايات شوې وو۔

عمران خان ته هدايات شوي چې د کيس سره تړلي اسناد دې له ځانه سره راوړي او ورته ويل شوي چې د القادر ټرسټ تفصيلات او د الحاق کاغذونه او د ډيډ بينک اکاونټونو تفصيل هم له ځانه سره راوړي.

نوټس کې ویل شوي چې د عمران خان د نه حاضریدو په صورت کې به قانوني کاروايي وشي.

بل خوا نيب راولپنډۍ د احتساب پخوانې خاص مرستيال شهزاد اکبر هم په 22م مئ د ورته سکينډل تحقيقاتو کښې طلب کړې دې۔