باغي ټي وي رپورټ
لاهور: د پنجاب د اطلاعاتو سرپرست وزیر عامر میر وايي، استخباراتي معلومات لري چې په زمان پارک کې له ۳۰ تر ۴۰ هغو ترهګرو چې پر پوځي تاسیساتو یې بریدونه کړي، پناه اخیستې ده.
لاهور کې د خبري غونډې په مهال عامر مير وويل پي ټي ائي غوښتنه کړې ده چې دغه ترهګر دې په ٢٤ؤ ساعتو کې د پنجاب پوليسو ته وسپارل شي، که نه نو د قانون مطابق به گامونه اخستل کيږي.امير مير وويل، ټاکل شوې چې د ترهګرو محاکمه به په پوځي محکمه کې کېږي، ٣٤٠٠ شکمن کسان نيول شوي، ٢٥٤ مقدمې درج شوي او د پېژندنې پروسه روانه ده.
د اطلاعاتو نگران وزير وويل د پنجاب حکومت د شرپسندانو په ضد د پوليسو لاسونه خلاص کړي دي، اوس که څوک د رياست رټ ننګوي نو ياده دې وي چې د فواد چوهدري په پرتله به تېز منډې وهي، د پي ټي ائي سره تعلق لرونکې زنانه د نارينه وو په پرتله ډېره مخکې ده. د ترهگرۍ د هڅولو په لړ کې د پي ټي ائي شرپسندانو په پوځي تاسيساتو بريدونه کړي دي، دا پېښې له وړاندې پلان شوې وې.ده ووئيل چې پي ټي آئي د نان رياستي عمل په توګه روانه ده، د پي ټي آئي چيئرمېن د نيولو نه وړاندې يو ګواښناك بيان وركړې وو، هغه د يو كال راهسې د پوځ او د هغې قيادت ته توهین وكړو، نگران حكومت د صفر برداشت پالېسي اختيار كړې۔ د بريد مخه په اسانۍ سره نيول کيدله خو پوليسو ته د وسلو د استعمال اجازه نه وه، سرپرست حکومت نه غوښتل چې مړي ولوېږي، اوس د پنجاب پوليسو ته بشپړ واک ورکړل شوی دی.
هغه وويل په کور کمانډر هاوس د بريد په مهال زمان پارک کې زيات خلک په تماس کې وو، هغوي ته به درس ورکول کيږي چې په راتلونکي کې به څوک داسې کار نۀ کوي.د پي ټي ائي شرپسندانو د مئ په مياشت کې سره کرښه تيره کړه. 9. د ترهګرۍ د دغه ویروس درملنه به په واکسین نه، بلکې د جراحۍ په وسیله کېږي، اوس چې څوک وسله کاروي، پولیس به یې هم په ځواب کې وسلې کاروي.
Leave a Reply