افغان جګړه؛ تېرو شلو کلونو کې ۲۴۱ زره کسانو ته مرګ ژوبله اوښتې
د امریکا د یوۀ پوهنتون له خوا په څیړنه کې ویل شوي افغان جګړه له تیرو شلو کلونو راهیسې د ۷۱ زره ملکي وګړو په ګډون ۲۴۱ زره کسان وژل شوي
(2021 / 8 / 21 نېټه باغي ټلویزون)
د امریکا د برون پوهنتون د شمېرو له مخې، د ۲۰۰۱ میلادي کال راهیسي کله چې امریکا په افغانستان کې خپله جګړه پیل کړه بیا تر اوسه پورې په دغه هېواد کې د ۷۱ زره ملکي وګړو په ګډون ۲۴۱ زره کسانو ته مرګ ژوبله اوښتې ده. د یاد پوهنتون د تازه معلوماتو له مخې، په دغه جګړه کې دغه راز د ناروغیو، خوړو، اوبو او د بنسټیزو تاسیساتو د کموالي او هغو کسانو شمېر لا نه دی معلوم چې د ناټو ځواکونو له خوا ټپيان شوي او یا وژل شوي دي. په همدې حال کې د هېواد د روغتیایي مرکزونو د معلوماتو له مخې، په تېرو شپږو ورځو کې په افغانستان کې د جګړو له امله هیڅ کوم جسد او ټپي نه دی وروړل شوی.
Leave a Reply