د اکنامیسټ انټلیجنس یونټ وېره څرګنده کړې چې راتلونکي کال به په پاکستان کې د بیکارۍ کچه نوره هم زیاته شي

باغی ټی وي رپورټ

د اقتصاد د استخباراتو د څانګې د راپور له مخې، د بېکارۍ کچه سږکال ۹،۶ سلنې ته لوړه شوې او راتلونکی کال به ۹،۹ سلنې ته لوړه شي.

د رپورټ ترمخه د سود نرخ هم د 2 فیصدو نه 23 فیصدو ته د زیاتیدو امکان دی او روپۍ به تر 2027 پورې کمزورې پاتې شي.

رپورټ کې وئيل شوي چې پاکستان په څلورو کالو کې 77.5 اربه ډالره بهرنۍ قرضې ادا کوي چې د پورونو د نه ادا کولو دپاره به د IMF نوی پروگرام په لاره اچولی شي.

د دې نه علاوه سياسي بې ثباتي، امنيت، اقتصادي کمزورۍ په رپورټ کې د لويو ستونزو په توګه بيان شوي دي په داسې حال کې چې په رپورټ کې وړاندوينه شوې چې عام انتخابات به په اکتوبر ۲۰۲۳م کې کيږي