پاکستان پریکړه کړې چې د نړیوال روغتیا سازمان (WHO) څخه د مونکیپوکس واکسین ترلاسه کړي

باغی ټی وی رپورټ
اسلام آباد: پاکستان پریکړه کړې چې د نړیوال روغتیا سازمان (WHO) څخه د مونکیپوکس واکسین ترلاسه کړي.

د روغتیا د ملي ادارې د مسوولینو په وینا، په هېواد کې د مونکي پوکس ناروغۍ د خپرېدو وېرې ته په پام سره د روغتیا له نړیوال سازمان څخه تخنیکي مرسته غوښتل شوې ده، په داسې حال کې چې له روغتیا نړیوال سازمان څخه د مونکي پوکس واکسین د اخیستلو پرېکړه هم شوې ده.

چارواکو وویل چې محافظتي تجهیزات به د WHO څخه اخیستل کیږي او واکسین به د لومړۍ لیکې روغتیایی کارمندانو ته ورکړل شي.
د چارواکو په وینا د اسلام اباد په نېشنل ہیلتھ انسټیټیوټ کې د ۲۰ مشکوکو نمونو ټېسټونه کېږي او له ټولې نړۍ څخه پاکستان ته د راغلو مشکوکو ناروغانو څارنه کېږي، په داسې حال کې چې له ټولې نړۍ څخه ویستل شوي پاکستانیان څارل کېږي. هره میاشت په زرگونو پاکستانیان د بهرنیو هیوادونو څخه ویستلو وروسته بیرته پاکستان ته ستنیږي.