افغانستان ته د پاکستان ایکسپورټ تجارت د هیود اقتصاد لپاره د ملا تیر حیثیت لري: د تورخم کسټم کلیرینس ایجنټانو او ټرانسپورټ اتحادیی مشرانو خبری غونډې ته وینا

نصیب شاه شینواري

لنډي کوتل : د لندې کوتل په پريس کلب کښې د يوې خبري غونډې پر مهال د تورخم کسټم ایجنټانو ټولنې مشر معراج الدين شينواري، د کسټم ایجنټانو اتحادیی پخواني رئيس زرقيب شينواري او د تورخم د ترانسپورت رييس عظيم الله شينواري وويل، له ټولو هغو ادارو مننه کوو چې د تورخم په پېښه کې يې د ژغورنې او د مرستو په عملياتو کې برخه اخيستې ده.
هغوی اوویل چې په عملیاتو کې د سیاسي، ټولنیزو او مدني بنسټونو چارواکو هم برخه اخیستې وه چې دوی ی ستاینه کوي.
نوموړي له اړوندو ادارو وغوښتل چې په پېښه کې له زيانمنو شويو کورنيو سره مالي مرسته وکړي او ويې ويل چې د پاک افغان پر لويه لار به د زیانمنو کسانو سره مالي مرستې راټولولو لپاره کمپاين هم پيل کړي ترڅو زيانمنو شويو کورنيو ته يو څه مرستې ورسوي.
معراج الدين شينواري په تورخم کښې سرکاري چارواکو او ادارو وغوښتل چې په تورخم کښې د ترافيکي ګڼې ګوڼې څخه بچیدو لپاره د تجارتی ګاړو ان لان کلیرینس زر تر زره بشپړه کړي چې په تورخم پوله د صادراتو او وارداتو سوداګري وده وکړي ، هغوی اوویل چې د پاکستان ایکسيورټ افغانستان ته زیات شی نو دې سره به زمونږ د هیواد اقتصاد وده وکړي او خلقو ته به د روزګار موقع هم په لاس راشي.
معراج الدين شينوارى اوویل صادرات او واردات د پخوا په پرتله ډېر کم شوي، چې له امله يې ملي خزانې ته هم زيان اوښتى دى،دوی غوښتنه وکړه چې د پاکستان او افغانستان دوه اړخیز تجارت وده وکړي ،دوی اوویل چې د سکیننګ وروسته هم د ګاډو مکمل چیکنګ د تجارت په لار کښې لوی خنډ ګرځیدلی دی او دا کار باید ودرول شي.
معراج الدین شینواری او نورو مشرانو د کرکټر شاهین آفریدي او عطا افغان څخه هم مننه اوکړه چې د پيښې ځاې ته راغلل او زیانمنو افغان ټرانسپورټرانو سره ی د خواشینې څرګندونه وکړه.