د ترکیې د ولسمشر رجب طیب اردوغان تلویزیوني مرکه ناڅاپه د پښې د درد له امله د څه مودې لپاره ودرول شوه

باغي ټی وی رپورټ

د بهرنیو رسنیو د راپورونو له مخې په ترکیه کې په دې ورځو کې د مې د ۱۴مې د پارلماني او ولسمشریزو ټاکنو لپاره کمپاین روان دی، چې ولسمشر رجب طیب اردوغان د سه شنبې په ورځ له ۲ تلویزیونونو سره ګډه مرکه وکړه.

لومړی د ترکیې د ولسمشر مرکه ۹۰ دقیقې ناوخته پیل شوه او بیا د مرکې له پیل څخه ۱۰ دقیقې وروسته رجب طیب اردوغان د معدې د تکلیف له امله په ناڅاپي توګه ودرول شو.

خو ولسمشر اردوغان له ۱۵ دقیقې وقفې وروسته بېرته راستون شو او له حاضرینو یې بښنه وغوښته او له وقفې وروسته د ترکیې ولسمشر یو شمېر نورو پوښتنو ته ځوابونه وویل.

د ترکیې ولسمشر وویل، پرون او نن ډېر بوخت وو، له همدې امله مې د معدې درد کاوه، فکر مې کاوه چې که پروګرام لغوه کړم، دا به ناسمه وګڼل شي.

د راپورونو له مخې ولسمشر اردوغان په ستړي مخ او په سترګو کې اوښکې سره د مرکې ته راستون شو.

بايد يادونه وشي چې ولسمشر رجب طيب اردوغان او د هغه ګوند له تېرو شلو کلونو راهيسې د ترکيې پر سياست واکمن دی، دا ځل د ولسمشرۍ په ټاکنو کې د اپوزيسيون مشر کمال کليک داروغلو د هغه مخالف دی.

د سروې د راپورونو له مخې دا ځل ولسمشر اردوغان له سختې سیالۍ سره مخامخ دی.