راولپنډۍ: وزيراعظم شهباز شريف پخواني چيف جسټس باندې نیوکې کړي او وئيلي يې دي چې ثاقب نثار د غريب عدالت د انصاف لپاره نه بلکې د سياسي دوکان په توګه کارولې

باغی ټی وی رپورټ
راولپنډۍ کښې د ميډيا نمائندګانو سره خبرو کښې وزيراعظم شهبازشريف وئيلي دي چې د مريضانو علاج يو لوئ عبادت دے، د دغه هسپتال په جوړولو 5 اربه روپۍ لګولې شوي دي، هسپتال بايد ډير پخوا د مصيبت ځپلي انسانيت په خدمت کښې خپل کردار ادا کړي وي۔

هغه وويل، تېر حکومت دغه روغتون په کثافاتو کې اچولى و، خو د کرونا په ورځو کې هم دغه روغتون بې سارې خدمات وړاندې کړل.

وزيراعظم پخواني چيف جسټس ته لاسونه لپه کړل او ويې ويل چې يو کس به شپه او ورځ ويل چرته چې شهباز شريف شل اربه روپۍ سرمايه ګذاري کړې، هغه کس به ويل چې شل اربه روپۍ غرق شوي دي، د دې کس نوم ثاقب نثار دی که 20 ملیارده که ډوب شول نو لاهور کې د کرونا تر ټولو لوی مرکز څنګه شو، په PKLI کې د مفت ټرانسپلانټیشن انتظام شوی.

شهباز شریف ویلي چې ثاقب نثار د انصاف لپاره نه بلکې د سیاسي دوکان د چمکولو لپاره عدالت کړی، ثاقب نثار حنیف عباسي ته د ماتې ورکولو لپاره د شیخ رشید د ایجنټ په توګه انتخابي حلقې ته تللی و.

هغه زیاته کړه، د ولس د خدمت په برخه کې باید سیاست ممانعت وشي، د پوهنې او روغتیا په برخه کې باید سیاست ته اجازه ورنکړل شي.