کراچۍ: پخواني وزيراعظم شاهد خاقان عباسي وئيلي دي چې نن سبا د ملک په اقتصادي او سياسي حالاتو خلک اندېښمن دي خو قيادت يې اندېښمن نه دی

باغی ټی وی رپورټ

په کراچۍ کې د ملک په اقتصادي او سياسي صورتحال خبرې اترې شوي چې پکې د بېلا بېلو سوداګرو او سياسي شخصيتونو ګډون کړی، په دې موقع شاهد خاقان عباسي او مفتاح اسماعيل د حاضرينو پوښتنو ته ځوابونه هم ورکړل.

بلخوا پخواني لومړي وزیر شاهد خاقان عباسي ویلي، چې پخوا ټاکنو زموږ ستونزې هوارې کولې، خو اوس اختلافات دومره زیات شوي، چې ټاکنې زموږ ستونزې هواري نه ښکاري.

هغه وويل، چې د هېواد رهبري د خلکو له ستونزو سره اشنا نه ده، په اوسنيو شرايطو کې له ټاکنو سره هم ښه والى نه ښکاري، نن په هېواد کې بې ساري انفلاسيون دى، د ځينو محکمو پرېکړې هم د هېواد پر اقتصادي وضعيت اغېز کوي، د بیلګې په توګه هیواد د ریکوډیک قضیه کې ملیاردونه ډالر له لاسه ورکړي.

شاهد خاقان اوويل چې نېب دا مهال تر ټولو کرپټ اداره ده، د نېب له وجې چې ملک ته څومره زيان اوښتی بل هېڅ ادارې نه دی کړی.

په دې موقع د خزانې پخواني وزير مفتاح اسماعيل ووئيل چې نن د هېواد اقتصادي حالات خراب دي، په كليوالو سيمو كښې د خوراکي شيانو د انفلاسيون شرح 50 فيصده او په ښاري سيمو كښې 47 فيصده ده، په پاكستان كښې 60 فيصده خلك عايد لري. د 35 زره روپو څخه زیات نه دی، اوس حالت دا دی چې حتی متوسط ​​​​طبقه د خپلو لګښتونو په پوره کولو کې له ستونزو سره مخ دي.

هغه وويل اوس به له سعودي څخه دوه ميليارده ډالره او له بل چا څخه د پيسو په اخيستلو سره دا کار نه کېږي، اوس بايد د يوه ملت په توګه فکر وکړو، چې دا ډول ستونزې به نه حل کېږي.