باغی ټی وی رپورټ
پېښور: د خېبر پښتونخوا آئي جي جيل عرفان الله محسود وئيلي دي چې په سنټرل جيل کښې د دوو ډيرو خطرناکو ډلو ترمينځ شخړه شوې وه او بنديانو په يو بل سره جنګونه کول چې وروسته د هغوي مختلفو جيلونو ته د منتقلولو فيصله وشوه
د پيښور سنټرل جيل کښې ددوو ډلو ترمينځه دجګړې په اړه آئي جي جيل عرفان الله محسود او سپرنټنډنټ جيل مقصود خان ميډيا سره خبرو کښې اوويل چې ددواړو جنګي ډلو اووه بنديان د نزدې ضلعو جيلونو ته منتقل کړي شوي دي۔
د آئي جي جيلونو ترمخه د پيښور سنټرل جيل کښې دا مهال 3800 بنديان دي او په جيل کښې د 3000 بنديانو ظرفيت شته۔
هغه زياته کړه، چې په زندان کې وسله وال او ډېر خطرناک بنديان شته، چې له نورو بنديانو جلا ساتل کېږي.
په دي موقع ايس پي جيل مقصود خان اوويل چي د بنديانو نه 600 نه زيات موبائيل فونونه برآمد شوي او 500 نه زيات قيديانو ته مختلف سزاګاني ورکړي شوي دي۔
Leave a Reply