د وزيراعظم شهباز شريف په مشرۍ كښې د وفاقي كابينې غونډه به نن ماسپښين دوه بجې وزيراعظم هاؤس كښې كېږي

باغي ټي وی رپورټ

د وزيراعظم شهباز شريف په مشرۍ كښې د وفاقي كابينې غونډه به نن ماسپښين دوه بجې وزيراعظم هاؤس كښې كېږي۔

دسرچينو ترمخه وفاقي کابينه به دقومي سلامتۍ کميټۍ د پريکړو منظوري ورکوي، غونډه کې به د سترې محکمې د پريکړې په اړه په قانوني صلاح مشورو او تګلاره خبرې کيږي.

سرچينې زياته کړې، چې د ولسي جرګې په ګډه غونډه کې به د قضايي اصلاحاتو د قانون د تصويب په اړه هم بحث وشي.

ياده دې وي چې څو ورځې وړاندې قومي اسمبلۍ د عدالتي اصلاحاتو بل منظور کړی و او د منظورۍ لپاره يې د پاکستان ولسمشر ته لېږلی و، خو ولسمشر عارف علوي دغه بل د بيا کتنې لپاره بېرته پارلمان ته لېږلی دی.

د هېواد جمهور رئیس وویل، دا لایحه د ولسي جرګې له واکه بهر ده، که له قانوني پلوه مصنوعي او ناکافي وي، نو په محکمه کې ننګولی شي، زه فکر کوم چې د دې لایحې د سموالي په اړه باید څېړنه وشي. او بیا یې پاس کړئ دا مناسبه ده چې د غور لپاره بیرته راشئ.