د مالیې سرپرست وزیر د خپل کار په وروستۍ ورځ د کندز سپین زر دولتي شرکت پرانیسته ترسره کړه.
د مالیې سرپرست وزیر د خپل کار په وروستۍ ورځ د کندز سپین زر دولتي شرکت پرانیسته ترسره کړه.
23 مارچ پنشنبه 2023
د افغانستان اسلامي امارت د مالیې وزارت له لورې په یوه تازه خپره شوې خبرپاڼه کې راغلي چې د یاد وزارت سرپرست وزیر ملا هدایت الله بدري په مالیې وزارت کې د خپل کار په وروستۍ ورځ کندز ولایت ته د رسمي سفر په لړ کي د کندز سپین زر دولتي شرکت د بیا فعالېدو پرانیستنه وکړه.
د کندز سپین زر دولتي شرکت په (۱۳۱۴ هـ.ل) کال کي تآسیس سو او د تاریخ په اوږدو کي ئې بېلابېل پړاوونه تجربه کړل، چي د اسلامي امارت له بیا حاکمیت وړاندي له لسیزو راهیسي له یو بد غیر فعال او فلج حالت سره مخ و، خو د اسلامي امارت له بیا حاکمیت سره سم د مالیې وزارت د رهبرۍ له لوري دولتي شرکتونو ته د دوامداره پاملرني په پایله کي یو ځل بیا فعال او خدماتي چاري ئې پیل کړې.
د مالیې وزارت د فعاله هڅو په پایله کي د یاد شرکت اداري سیسټم اصلاح سو او موجودو امکاناتو ته په کتو؛ د ماشینرۍ نصب، مونتاژ او ترمیم ئې ترسره شو.
همدارنګه د اساسي تولیداتو لپاره د نوي ماشینرۍ رانیول، نصب او د مونتاژ چاري ئې هم ترسره سوې، چي اوسمهال د بنسټیزو تولیداتو لپاره د (جین او پریس او د نباتي غوړیو تولیدي څانګي، لینټر، تلکشي، دبخار سيسټم، د ريفائنري سيسټم، د صابون جوړولو سيسټم او دغوړیو ډکولو سیستم ) په فعالېدو سره ګټور خدمات وړاندي کوي.
اړوند موضوعات
چي ورسره (۳۰۰) تنو ته په مستقیم او شاوخوا (۱۰۰۰) کسانو ته په غیر مستقیم ډول د کار زمینه برابره سوې ده.
Leave a reply
