د پاکستان تحریک انصاف ګوند چیرمین عمران خان په پنجاب ایالت کې د انتخاباتو د ځنډولو په اړه د الېکشن کمېشن له خوا په غبرګون کې ویلي دي چې د انتخاباتو کمېشن د انتخاباتو ځنډول د اساسي قانون خلاف ورزي کړې ده

باغی ټی وی رپورټ
د پاکستان تحریک انصاف ګوند چیرمین عمران خان په پنجاب ایالت کې د انتخاباتو د ځنډولو په اړه د الېکشن کمېشن له خوا په غبرګون کې ویلي دي چې د انتخاباتو کمېشن د انتخاباتو ځنډول د اساسي قانون خلاف ورزي کړې ده.

په یو بیان کې عمران خان ویلي چې دوې صوبايي اسمبلۍ یې په دې هیله منحل کړې چې انتخابات به په ۹۰ ورځو کې وشي.

هغه وویل چې موږ دا ګام د دې لپاره نه دی پورته کړی چې فاشیستانو یوه ډله له اساسي قانون او قانون سره لوبې وکړي.

عمران خان ویلي، چې چوپ پاتې کېدل په پاکستان کې د اساسي قانون او قانون حاکمیت ختمولو سره برابر دي، اوس باید پاکستانیان د عدلیې او وکیلانو له ټولنې سره ودرېږي.

ياده دې وي چې اليکشن کميشن د اپرېل په 30مه نېټه د پنجاب اسمبلۍ انتخابات ځنډولو رسمي حکم جاري کړی وو چې له مخې به يې په پنجاب کې انتخابات د اکتوبر په 8مه نېټه کېږي.

د اليکشن کميشن د نوټيفيکيشن له مخې آئي جي پنجاب د امن او امان د خراب صورتحال په اړه خبر ورکړو او د ترهګرۍ پېښو ته يې اشاره وکړه او ويې ويل چې د ترهه ګرو په ضد د عملياتو بشپړولو لپاره به پنځه مياشتې وخت نيسي، په دې لړ کې به 3 لاکه 86 زره 623 اهلکار شامل وي. پنجاب، کمښت لري