په کابل کښې ګنړو خلقو طالبانو سره یووالۍ څرګند کړې

باغي ټي وي رپورټ
د افغانستان پایه تخت کابل نه پو ټولنیزو رسنیو داسې تصویرونه خپاره شوي چې پکښې ښکاری چې ډیرو خلقو امارت اسلامی سره اتفاق او ددوی حمایت کولو وعده کړې.

د پاکستان یو وتلي جرنلسټ او د افغان امورو ماهر طاهر خان په خپل ټویټر تصویرونو خپاره کړي، نوموړي لیکلي چې د کابل ښار یو لوی جماعت پل خشتي کښې په ګنړ تعداد کښې خلقو د طالبانو سره یووالۍ او د اسلامی امارت پورا پورا د مرسته کولو او طالبانوسره ی د حمایت څرګندونه کړي ده.
نوموړي په خپل ټویټ کښې لیکي چې د پل خشتي په جماعت کښې طالبانو یو مشر انس حقاني تره خلیل الرحمن حقاني سره ډیر خلق ددوی په ډله کښې شامل شوي او دوی سی ره د پورا پورا تعاون کولو ژمنه کړې.
یاده دې وی چې د افغانستان ګوټ ګوټ نه طالبان مشران کابل کښې راغونډ شوي او دوی پلان لري چې ډاکټر عبدالله عبدالله سره ملاقات وکړي. سرچنیې داسی زیاتوي چې به طالبانو دباو زیاتیږي چې دوی زر تر زر عبوري حکومت جوړ کړي.
د کابل یو اوسیدونکې وای چې دوی امید لري چې طالبان مشران کوم چې په کندهار او کابل کښې را غونډ شوي د افغانستان د ښه راتلونکي لپاره ښه پلان او سوچ ولري او یو داسې حکومت جوړ کړي چې د ټول افغانستان عوام ته قبول وی او په افغانستان کښې د جنګ سبب و نه ګرځي