د پاکستان د بهرنيو چارو وزير بلاول بوټو زرداري وايي، د هند حکومت د نړۍ له نقشې څخه د کشمير د له منځه وړلو لپاره له هر ډول تاکتيک څخه کار اخلي

باغي ټي وی رپورټ
د پاکستان د بهرنيو چارو وزير بلاول بوټو زرداري وايي، د هند حکومت د نړۍ له نقشې څخه د کشمير د له منځه وړلو لپاره له هر ډول تاکتيک څخه کار اخلي.

په يو بيان کې بلاول بهټو زرداري وويل هند هڅه کوي چې دکشمير په مسله دخبرو اترو څخه ډډه وکړي او دهند حکومت د نړۍ له نقشې څخه دکشمير دله مينځه وړلو لپاره دتگلارې څخه کار اخلي.

هغه وويل پاکستان له هند سره د کشمير په ګډون د ټولو لانجو جدي حل غواړي او هند بايد د خبرو اترو لپاره مناسب چاپيريال رامنځته کړي.

د بهرنیو چارو وزیر د افغانستان په اړه په خبرو کې وویل، چې په افغانستان کې د بې ثباتۍ او ناامنۍ فضا د سیمې لپاره د اندېښنې وړ ده، نړیواله ټولنه باید له موقت حکومت سره د افغانستان له بحران څخه د وتلو لپاره خبرې وکړي.

هغه زیاته کړه، په افغانستان کې د موقت حکومت رامنځته کېدل باید د خبرو لپاره مناسب چاپېریال رامنځته کړي.