په سندهـ کې د اېچ آی وي له وجې ۳۲۴ ماشومان مړه شوي دي

باغی ټی وی رپورټ
په سندهـ کې د اېچ آی وي له وجې ۳۲۴ ماشومان مړه شوي دي.

د سندهـ د صحت د څانګې ترمخه په سندهـ کې په څلورو کلونو کې ۳۲۴ په اېچ ای وي اخته ماشومان مړه شوي دي، په یو کال کې ۱۶۴ په اېچ ای وي اخته ماشومان مړه شوي دي.

د سندهـ د صحت محکمه وايي چې د ايچ آی وي له وجې په مړو شوو ماشومانو کې د هلکانو شمېره ۲۰۷ ده او په څلورو کلونو کې مړه شوي ماشومانو کې د نجونو شمېر ۱۱۷ دی.

د صوبې د صحت محکمه وايي چې په سندهـ کې د اېچ ای وي نه د متاثره ماشومانو شمېره دوه زره ۸۶۵ ته رسېدلې ده او د تېرو دوو مياشتو په ترڅ کې ۱۷ نور ماشومان په اېچ ای وي اخته شوي دي.

د ماشومانو د ساري ناروغیو متخصصه ډاکټره فاطمه میر وايي چې په سندهـ کې د اېچ آی وي نه د اخته ماشومانو د مړینې اصلي لامل TB و، د اېچ آی وي په ماشومانو کې د وینې کمښت او د واکسین نشتوالی عام دی، په اېچ آی وي اخته ماشومانو کې هیپاټایټس. B او C هم عام دي.