د ایم کیو ایم لندن پخواني مشر ندیم نصرت ویلي، د ایم کیو ایم د جایدادونو پیسې دې د شهیدانو، لادرکه شویو او نیول شویو کارکنانو کورنیو ته ورکړل شی

باغي ټی وی رپورټ
د ایم کیو ایم لندن پخواني مشر ندیم نصرت ویلي، د ایم کیو ایم د جایدادونو پیسې دې د شهیدانو، لادرکه شویو او نیول شویو کارکنانو کورنیو ته ورکړل شي.

د ایم کیو ایم د جایدادونو د مقدمې په غبرګون کې ندیم نصرت وویل، له پیله دا خبره شوې وه چې دا جایدادونه د شهیدانو امانت دي، که پرېکړه د ایم کیو ایم پاکستان په حق کې وي نو اعتراض نه لري، بلکې تمرکز باید پر دې وي. حقیقت دا دی چې دا جایدادونه سیاسي او شخصي دي، د دې ملکیتونو پیسې باید په شفاف ډول پاکستان ته انتقال شي.

ندیم نصرت وویل چې د جایدادونو پیسې دې د شهیدانو، لادرکه او بندیانو کورنیو ته ورکړل شي، د ایم کیو ایم پاکستان کنوینر او نور کسان هم د ګوند په جایدادونو کې پاتې دي، هغه جایدادونه دې هم وپلورل شي. پیسې باید د شهیدانو کورنیو ته ورکړل شي.

ده زیاته کړه چې د ایم کیو ایم د جایدادونو مقدمې باندې نظریاتي کارکنان مایوسه دي، دوی وايي چې دومره پیسې څنګه بهر لاړې، جایدادونه ولې وپلورل شول، د شرم خبره ده چې د دې ګوند د اربونو روپو جایدادونه بهر راووتل، د شخصیت وژنه باید وشي.