باغي ټي وي رپورټ
پيښور: په پاکستان کښې د کسټم ډیپارټمنټ چارواکو نه معلومه شوې چې په دې یو څو ورځو کښې د افغانستان او پاکستان ترمینځ دوه طرفه تجارت کښې اضافه شوې، تاجران وای چې په تجارت کښې دا زیاتوالۍ عارضي دې او ترڅو چې دنیا طالبان تسلیم نه کړي نو دا تجارت به بیا کم شي.
د کسټم ډیپارټمنټ یو اهلکار مطابق په ۱۵ اګست په سپین بلدک،خرلاچی او د طورخم له لارې صرف ۴۷۵ او د تجارت مال نه ډک ګاړي افغانستان ته تلي چې دا ډیر یوه کمه شمیره ده.
د کسټم یو اهلکار بیا وای چې کله کابل او طورخم هم د طالبانو کنټرول ته راغې نو دا شمیره په ۱۶ او ۱۷ اولسم اګست ۱۱۲۳ ګاړو ته ورسیده چې دې سره سوداګران ډیره خوشحاله شو.
په لنډیکوتل کښې تاجرانو او د ټرک ډرایورانو میډیا ته ویلي چې وس په افغانستان کښې طالبان د ټرکونو نه روپې نه اخلي نو په دې وجه به هم د پاکستان او افغانستان ترمینځ تجارت نور ښه شي.
یو بل تاجر وای چې په تجارت کښې دا زیاتوالی عارضي دې او چې کله د دنیا ملکونو طالبان تسلیم کړي نو بیا به په تجارت کښې دا زیاتوالي مستقل شی او د پاکستان او افغانستان دوه طرف تجارت به نور هم ښه شي
Leave a Reply