د کراچۍ په غريب آباد فرنيچر مارکېټ کې اور لګېدلی چې له امله يې لسګونه دوکانونه سوځېدلي دي

باغي ټي وی رپورټ
د کراچۍ په غريب آباد فرنيچر مارکېټ کې اور لګېدلی چې له امله يې لسګونه دوکانونه سوځېدلي دي.

دسرچينو ترمخه دپيښې وروستو دفائر بريگيډ شپږ گاډي موقعې ته رسيدلي اؤ څه موده وروستو دفرنيچر په مارکيټ کې اور لګيدلى اور قابو کړى دى.

دوکانداران وايي، چې د اور لګېدنې له امله ٤٥ دوکانونه او دوه موټر سوځېدلي او د مالونو د ايستلو پر مهال دوه کسان ټپيان شوي هم دي.

د اور وژنې ادارې چارواکي وايي، په ګودام کې د اور د یخولو بهیر روان دی، د اور له امله د اوښتو زیانونو ارزونه روانه ده.

د ژغورنې چارواکي وايي، د اور لګېدو له امله د فرنیچر مارکېټ شاوخوا د اپارتمانونو اوسېدونکي راوتلي، چې له نېکه مرغه چاته ځاني زیان نه دی اوښتی.