باغي ټی وی رپورټ
وزيراعظم شهباز شريف او بل ګېټس په ټيلي فون خبرې کړي دي چې پکښې بل ګيټس د پوليو ختمولو لپاره د پاکستان د کوششونو ستائنه کړې ده۔
د وزيراعظم هاؤس لخوا جاري شوي بيان له مخې وزيراعظم په هېواد كښې د پوليو خاتمې لپاره د بل ګېټس فاونډېشن د مرستې ستائنه وكړه۔
وزيراعظم بل ګيټس ته د پوليو خاتمې لپاره د صحت وزير او د هغه ټيم د کوششونو نه خبر كړو۔وزيراعظم د فاونډيشن سره د شريكۍ د لا قوي كولو لپاره د پاكستان د خواهش څرګندونه هم وكړه۔
وزيراعظم شهباز شريف په 2022م کال کې د پوليو د نويو کيسونو په رپورټ خواشيني څرګنده کړه او ويې ويل چې پاکستان د پوليو د ټولو شکلونو ختمولو ته ژمن دی.
په دې موقع بل ګېټس د پوليو خاتمې لپاره د پاكستان د هلو ځلو ستائنه وكړه او د پوليو خاتمې د یقیني كولو لپاره يې د خپل فاؤنډېشن د دوامدار ملاتړ څرګندونه وكړه۔
په ټیلیفوني خبرو کې دواړو مشرانو موافقه وکړه چې د ګډو موخو لپاره به ګډ کار ته دوام ورکوي.
Leave a Reply