باغي ټی وی رپورټ
تهران: په ایران کې ښځو ته به د جامو په اړه د شرعي قوانینو د سرغړونې سزا ورکړل شي.
د ایران قضایه قوه وايي، د ښځو له خوا د حجاب لرې کول د ایران له اسلامي جمهوریت او ارزښتونو سره د دښمنۍ نښه ده او ښځې به د جامو په اړه د شرعي قوانینو د سرغړونې په خاطر مجازات شي.
د ایران د قضایه قوې په وینا، له هغو کسانو سره چې عامه نظم ته زیان رسوي، له ټولو لارو چارو کار اخلي او له هغو کسانو سره به هم سخت چلند وشي چې له دښمن سره همکاري کوي.
د یادولو وړ ده چې په ایران کې د حجاب د لیرې کولو په تور نیول شوې او په زندان کې مړه شوې مهسا امیني د مسلې په اړه پرله پسې لاریونونه شوي او په بهر کې میشتو ایرانیانو هم د حکومت پر ضد مظاهرې کړي دي.
په ایران کې هم د مظاهره چیانو او د قانون پلي کوونکو چارواکو ترمنځ نښتې شوي، چې په ترڅ کې یې یو شمېر کسان وژل شوي او سلګونه کسان نیول شوي دي.
Leave a Reply