د پيپلز پارټۍ چيئرمېن بلاول بهټو زرداري د سېلاب ځپلو سره کړې وعدې نه پوره کېدو په صورت کښې وفاقي حکومت کښې د وزارتونو پرېښودو اشاره کړې ده.

باغی ټی وی رپورټ

په کراچۍ کې يوې غونډې ته په وينا کې بلاول بهټو زرداري وويل د افسوس خبره ده چې وفاقي حکومت ورسره د مالي مرستو ژمنه کړې وه تر دې دمه نه ده پوره شوې.
نوموړی وويل كه وفاقي حكومت خپلې ژمنې پوره نه كړې نو زمونږ لپاره به د خپلو وزارتونو ساتل ګران شي، مونږ هيله لرو چې زمونږ ستونزې به هوارې شي.

بل خوا د سندهـ وزيراعلي مراد علي شاه هم په دې موقع په خپله وينا کې وويل چې د وفاقي حکومت له لوري د پيسو د نه شتون له امله کروندګرو ته د پيکج په ورکولو کې ځنډ راغلى او د ٢٥ ايکړو پورې د کروندګرو ته به ددوی ځمکې لپاره به د تخم په توکه هر جریبه 5000 روپۍ ورکول کیږي.