د پاکستان د سمندري ځواکونو یوه کښتۍ له زلزله ځپلو سره د مرستې لپاره تر ۱۰۰۰ ټنو زیات سامان سره ترکیې ته روانه شوې ده

باغي ټي وی رپورټ
د پاکستان د سمندري ځواکونو یوه کښتۍ له زلزله ځپلو سره د مرستې لپاره تر ۱۰۰۰ ټنو زیات سامان سره ترکیې ته روانه شوې ده.

د ترکیې او سوریې د زلزله ځپلو لپاره د NDMA او پاکستاني ځواکونو هڅې روانې دي.

د پاکستان د سمندري ځواکونو نصر نومې کښتۍ له کراچۍ څخه تر ۱۰۰۰ ټنه زیات مالونه لېږلي وو، د امدادي بېړۍ د روانېدو په مهال د ترکي قونصل جنرل جمال سانګو او د پاکستان د سمندري ځواکونو اعلیٰ مشرانو هم موجود وو.

په دغو مرستو کې زرګونه خیمې، کمپلې، وچې راشن، درمل، جامې او جنراتورونه شامل دي.

د پاکستان د سمندري ځواکونو امدادي بېړۍ به د ۱۴ ورځو سفر نه پس خپل منزل ته رسېږي.