د عمران خان په ضد د توشه خانې کېس کې د هغه وکيل د اورېدنې د پنځو ورځو لپاره د ځنډولو غوښتنه کړې چې پرې قاضي غصه څرګنده کړه

باغی ټي وی رپورټ
اسلام اباد: د عمران خان په ضد د توشه خانې کېس کې د هغه وکيل د اورېدنې د پنځو ورځو لپاره د ځنډولو غوښتنه کړې چې پرې قاضي غصه څرګنده کړه.

د اسلام اباد په ضلعي او سيشن عدالت کې د عمران خان په ضد د توشه خانې ريفرنس اړوند د جنايي مقدمې اورېدنه وشوه چې پکې د هغه وکيل علي بخاري عدالت ته او د الېکشن کمېشن لخوا سعد حسن د وکيل په توګه وړاندې شو.
د اوريدنې په مهال د اليکشن کميشن او د عمران خان د وکيل ترمينځ لفظي شخړه شوې چې پکښې د عمران خان وکيل د اليکشن کميشن وکيل ته اوويل چې تاسو د اليکشن کميشن وکيل يئ، وکيل پاتې شئ، ترجمان مه جوړئ.

علي بخاري عدالت ته وويل عمران خان څه موده وړاندې لاهور ته تللى دى، نن يې د جوډيشل کمپلکس په دوو محکمو کې حاضر شوى دى، نن به په دغه عدالت کې حاضر نه شي.

د عمران خان وکيل د اورېدنې تر ۵ ورځو پورې د اورېدنې د ځنډولو غوښتنه وکړه، نو قاضي په غوسه څرګنده کړه او ويې ويل چې دا څوک دي، عمران خان د جي ١١ په عدالتونو کې حاضرېدای شي، په عدالت کې نه، عمران خان به جوډيشل کمپلکس کې حاضر وي. دې ته به وخت پاتې نه وي، دا څه تګلاره ده، دلته به تورونه لګول کېږي، دلته راشه، تورونه دې ثبت شي او بیا لاړ شي.

د قاضي د څرګندونو په اړه علي بخاري وويل چې خواجه حارث په دې مقدمه کې د عمران خان وکيل دى، هغه نن په دې عدالت کې حاضر نه دى.

ورسته ايډيشنل سيشن جج ظفراقبال د توشه خانه کيس کښي عمران خان ته نن يو ځل بيا طلب کړے دے۔