د سنده حکومت د مارچ له لومړۍ نیټې څخه د کراچۍ په دوه نورو نویو روټونو د ګلابي بس سروس چلولو اعلان کړی دی

باغي ټی وی رپورټ
د سنده حکومت د مارچ له لومړۍ نیټې څخه د کراچۍ په دوه نورو نویو روټونو د ګلابي بس سروس چلولو اعلان کړی دی.

د ټرانسپورټ وزير شرجيل انعام ميمن په مشرۍ کښې د پيپلز بس سروس په اړه يوه غونډه وشوه چې پکښې د ټرانسپورټ سيکرټري عبدالحليم شيخ، ايم ډي سنده ماس ټرانزټ اتھارټي زبير چنا، د پي ډي اين آر ټي سي صاحب شفيق، آپريشن منيجر عبدالشکور او نورو ګډون وکړو.

غونډې ته وینا کې شرجیل میمن وویل چې ګلابي بس به د مارچ له لومړۍ نیټې څخه د پاور هاوس چورنګي نارت کراچۍ څخه د انډس هسپتال روټ 2 او نمائش چورنګي څخه کلاک ټاور سی ویو روټ -10 ته چلیږي.

ده ووئيل د سبا نه به د ماډل کالونۍ نه تر ټاور روټ ون پورې د ګلابي بس سروس فليټ هم زياتولے شي، د ماډل کالونۍ نه د ټاور ګلابي بس روټ ون باندې به بسونه زياتولے شي۔

شرجیل میمن این آر ټي سي ته هدایت وکړ چې په کراچۍ کې د خلکو بس سروس په نورو نویو روټونو سروې بشپړه کړي او د هاکس بې روډ پورې د خلکو بس سروس چلولو بیا کتنه وکړي.

هغه وويل، چې غواړي د خلکو د برېښنايي بسونو نورې نوې لارې هم ژر پيل شي.