د کراچۍ د پولیسو په دفتر (KPO) باندې د برید د پلټنو په مهال دا خبره په ډاګه شوې ده چې د ترهګرو لخوا کارول شوي زیاتره لاسي بمونه بې اثره وو

باغي ټی وی رپورټ
د کراچۍ د پولیسو په دفتر (KPO) باندې د برید د پلټنو په مهال دا خبره په ډاګه شوې ده چې د ترهګرو لخوا کارول شوي زیاتره لاسي بمونه بې اثره وو.

دپوليسو دڅرګندونو له مخې له دغو تروريستانو سره درې سب ماشينګڼې، دوه ميگزينونه او نيم درجن لاسي بمونه دپيښې له ساحې څخه ترلاسه شوي دي.

دپوليسو ديو لوړپوړي افسر په وينا په دغه مهال پينځه لاسي بمونه الوځول شوي وؤ اؤ ملزمانو خپل پنډونه راويستلي اؤ بريد يې کړى ؤ خو هغوي ونۀ توانيدلي دغه لاسي بمونه اوغورځوی او چاودنه ورکړی.

دسرچينو له مخې دبدوجګړې په مهال يو ترهه گر دامنيتي ځواکونو په کاروان لاسي بم وغورځولو چې کمانډو په ځوابي بريد کې په ترهگرو ډزې وکړې خو چاؤدنه ناکامه شوه.یوازې یو بریدګر چې د KPO په ودانۍ کې یې ځان ته چاودنه ورکړه یو فدایي و، په داسې حال کې چې دوه نور بریدګر چې ځانمرګي جاکټونه یې اغوستي وو، خو د وژلو جرئت یې نه درلود او په ډزو ووژل شول.

دپوليسو دسرچينو له مخې دکراچۍ په سټاک ایکسچينج يا دچين کونسلګرۍ په بريد کې ککړو ملزمانو دزياتې مودې راهسې دجګړې منصوبه جوړه کړې وه اؤ په خپلو کڅوړو کې يې ګرامه اؤ وچه خوراکي مواد ايښودلي وؤ خو په KPO بريد کې ککړو ملزمانو کڅوړې هم ترلاسه کړې وې. فرعي ماشیني ټوپکونه پرته له یوې مجلې بل څه نه وو.

بل پلټونکي افسر څرګنده کړه چې له وژل شوو درېو ترهګرو سره موبايل فونونه نه دي موندل شوي.