مایکرو بلاګنګ سایټ ټویټر په هند کې له خپلو دریو دفترونو څخه دوه یې تړلي دي

باغي ټی وی رپورټ
مایکرو بلاګنګ سایټ ټویټر په هند کې له خپلو دریو دفترونو څخه دوه یې تړلي دي.

د هندي رسنیو په وینا د ټویټر مالک ایلون مسک په ډیلي او ممبۍ کې خپل دفترونه تړلي او کارکوونکو ته یې لارښوونه کړې چې له کوره کار وکړي.

د رسنیو د راپورونو له مخې، د ټویټر د دفترونو د تړلو پریکړه د لګښت کمولو اقدام بلل شوی دی.

له دې مخکې ټوېټر په هند کې خپل ۹۰ سلنه کارکوونکي له دندو ګوښه کړي وو، چې وروسته د ډيلي او ممبۍ د دفترونو په اړه مهمه پرېکړه شوې ده.

د هندي رسنیو په وینا، ټویټر به په بنګلور کې د خپل دفتر څخه کار ته دوام ورکړي.

ایلون مسک د ټویټر د کنټرول له اخیستو راهیسې په ټوله نړۍ کې د ټویټر یو شمیر کارمندان له دندو ګوښه کړي او یو شمیر دفترونه یې هم تړلي دي.