باغی ټی وی رپورټ
لاهور: احتساب عدالت د آمدن نه د زياتو اثاثو په مقدمه کې د پنجاب د پخواني وزيراعلي عثمان بزدار عبوري ضمانت منظور کړی دی.
د پنجاب پخوانې وزيراعلي عثمان بزدار د آمدن نه د زياتو اثاثو په مقدمه کې احتساب عدالت کې وړاندې شو، چرته چې د اورېدنې په مهال د هغه وکيل دلائل وړاندې کړل او ويې ويل چې نيب عثمان بزدار ته د سمن نوټس لېږلی دی، د نيول کېدو وېره شته، نو موقتي ضمانت ورکړل شو.
احتساب عدالت د عثمان بزدار درخواست منلی او د هغه عبوري ضمانت یې منظور کړی او نیب ته یې د فرورۍ تر ۲۷مې پورې د پخواني وزیراعلی د نیولو نه منع کړی دی.
عدالت عثمان بزدار ته د 5 لاکه روپو دوه ضمانتي مچلکو جمع کولو امر کړی او په راتلونکې اوریدنه کې یې له نیب څخه جواب غوښتی دی.
Leave a Reply