د خېبرپښتونخوا اسمبلۍ په وخت د انتخاباتو په اړه د پاکستان تحريک انصاف (پي ټي آئي) درخواست باندې د پېښور هاي کورټ د اليکشن کميشن او ګورنر نه ليکلي ځواب غوښتی دی

باغي ټی وی رپورټ
د خېبرپښتونخوا اسمبلۍ په وخت د انتخاباتو په اړه د پاکستان تحريک انصاف (پي ټي آئي) درخواست باندې د پېښور هاي کورټ د اليکشن کميشن او ګورنر نه ليکلي ځواب غوښتی دی.

پيښور هائي کورټ کښې د خيبرپښتونخوا اسمبلئ انتخاباتو په وخت لپاره د پي ټي آئي د درخواست سماعت شوے دے، د پي ټي آئي مشران اعظم سواتي، اسد قيصر، شبلي فراز او شاه فرمان عدالت ته وړاندې شول.

د صوبې ايډوکېټ جنرل عدالت ته وويل چې چيف سيکرټري نن جواب جمع کړے دے۔

محکمې وويل چې والي ځواب نه دى جمع کړى، والي دې ووايي چې تر اوسه يې ولې نېټه نه ده ورکړې.

لوی څارنوال وویل چې د اساسي قانون له مخې والي لا هم وخت لري چې نیټه ورکړي.

محکمې وويل چې په دې اړه به وروسته خبرې وشي، لومړى دې ليکلي ځواب ورکړي چې ګورنر د خط په ځواب کې کومه نېټه نه ده ورکړې، که اليکشن کميشن تاريخ ترلاسه نه کړي نو د عمل پلان به څه وي.

سپريم کورټ اليکشن کميشن ته هم ليکلي جواب جمع کولو هدايت کړے دے۔

د اوريدنې په مهال د پي ټي آئي وکيل د لاهور هائي کورټ فيصله عدالت کښې وړاندې کړه، وکيل وويل چې د اليکشن کميشن، ګورنر او صدر خطونه په ريکارډ کښې دي، ګورنر نه غواړي چې په عذرونو سره نېټه ورکړي.

عدالت د اليکشن کميشن او ګورنر نه ليکلي جواب طلب کولو سره سماعت تر پنجشنبې پورې وځنډولې۔