د پي ټي آئي مشر فواد چوهدري د الېکشن کمېشن په ضد د نفرت خورولو په مقدمه کښې عدالت ته وړاندې شو

باغی ټی وی رپورټ
اسلام آباد: د پي ټي آئي مشر فواد چوهدري د الېکشن کمېشن په ضد د نفرت خورولو په مقدمه کښې عدالت ته وړاندې شو.

د اسلام اباد سیشن عدالت د فواد چوهدري په اړه د مقدمې اورېدنه وکړه چې پکې د پي ټي آئي مشر د خپلو وکیلانو علي بخاري او فیصل چوهدري سره حاضر شو.

فواد چوهدري د عدالت له قاضي سره خبرې وکړې چې صاحب حاضر دی، په دې اړه عدالت د وکيلانو نه پوښتنه وکړه چې د مقدمې چالان ولې جمع شو؟

د فواد چوهدري وکيل په ځواب کې وويل چې تر دې دمه د مقدمې چالان جمع کولو نه دی توانېدلی، قاضي پوښتنه وکړه چې تفتيش افسر بلل کېږي، ولې څوارلس ورځې وروسته هم چالان نه دی جمع شوی؟

وکیل علي بخاري وویل چې د مارچ تر درېیمې وروسته تاریخ راکړئ چې د استثنیٰ درخواست ورنکړو، په دې اړه قاضي وویل چې د تحقیقاتي افسر څخه به معلومه کړو او بیا به تاریخ ورکړو.

د اورېدنې په مهال عدالت فواد چوهدري ته د تلو اجازه ورکړه او وې ويل چې د مقدمې راتلونکې نېټه به د تحقيقاتي افسر له حاضرېدو وروسته ورکول کېږي.