جرمني د ترکیې او سوریې زلزله ځپلو ته په جرمني کې د موقتي استوګنې لپاره د ویزې وړاندیز کړی دی.

باغي ټي وي رپورټ
جرمني د ترکیې او سوریې زلزله ځپلو ته په جرمني کې د موقتي استوګنې لپاره د ویزې وړاندیز کړی دی.

د جرمني د کورنیو چارو وزیرې نانسي فیسر له رسنیو سره د خبرو پر مهال ویلي دي چې موږ غواړو په جرمني کې میشتو ترکي او سوري کورنیو ته اجازه ورکړل شي چې د ترکیې او سوریې له زلزله ځپلو سیمو څخه خپلو نږدې خپلوانو ته بلنه ورکړي.

هغه وویل چې دا کار به د ویزې د دودیزې کړنلارې له مخې ترسره شي خو د ویزې ورکولو بهیر به ساده شي او دا ویزه به درې میاشتې د اعتبار وړ وي.

Unkomplizierte #Visa für Erdbebenopfer. Bundesinnenministerin Nancy #Faeser: "Es geht um Hilfe in der Not. Wir wollen ermöglichen, dass türkische oder syrische Familien in Deutschland enge Verwandte aus der Katastrophenregion unbürokratisch zu sich holen können." pic.twitter.com/Rl76NAeAUL

— Bundesministerium des Innern (@BMI_Bund) February 11, 2023

نانسي فایزر وویل چې دا پریکړه زموږ له خوا د زلزلې ځپلو خلکو لپاره د بیړنیو مرستو د مفکورې له مخې شوې ده.

د آلمان له خوا دغه پریکړه وروسته له هغې شوې چې د فبرورۍ د میاشتې په شپږمه نیټه په ترکیه او سوریه کې د زلزلې له امله په میلیونونو کسان بې ځایه شول او د مړو شمیر له ۳۴ زرو څخه واوښت.