باغي ټي وي رپورټ
نامتو دانشور او ډرامه ليکونکى انور مقصود وايي، د هېواد د اقتصادي حالاتو له امله له پاکستانه اووه لکه ځوانان له هېواده وتلي او بهر ته تللي او هېڅکله به پاکستان ته واپس راستانه نه شي. انور مقصود د اګست په ۱۴ مه په لاهور کې د خپلې لوبې د ترویج په اړه د یوې خبري غونډې پر مهال وویل چې دا لوبه به د فبرورۍ له ۲۷ څخه تر ۲۲ مارچ پورې د لاهور په الحمرا هال کې وي.
په ډرامه کې د پاکستان د جوړولو په اړه د قائد اعظم او مهاتما ګاندي تر منځ خبرې به یوه نه هیریدونکې ډالۍ وي. د دې ډرامې ۱۰۰ نندارې په کراچۍ او ۵۰ نندارې په اسلام اباد کې ترسره شوې دي.
انور مقصود وويل لاهور اوس هغه شان نه دى، کلچر يې بدل شوى، لاهور بدل شوى، ترقي کړې ده، شهباز شريف ډېر محنت کړى دى، بايد ټول عمر د پنجاب وزيراعلي پاتې شوى واى.
هغه وويل، که په هېواد کې د پوهنې او روغتيا اسانتياوې رامنځته شي، نو په خلکو کې به پوهاوی راشي.
Leave a Reply