د تحصیل باړه زده کوونکو د خپلو غوښتنو لپاره مظاهرهدکړې

باغي ټی وی رپورټ
باړه، له تېرو څلورو کالو راهیسې هر دفتر ته مراجعه شوې خو زموږ د کالج ستونزې نه دي حل شوې. زموږ کالج له تېرو څلورو کلونو راهیسې پرنسپل نه لري. د کوهی شیر حیدر باړه کالج څخه مسایلستان جوړ شوې .

د دې خيالاتو څرګندونه د ګورنمنټ ډګري کالج كوهي شېر حيدر تحصیل باړه طالبعلمانو باړه پريس کلب مخې ته د احتجاج په مهال د ميډيا نمائندګانو سره خبرو كښې وكړه۔

په دې موقع طالبعلمانو په لاسونو کښې پلې کارډونه نيولي وو چې پکښې د خپلو غوښتنو په حق کښې نعرې ليکلې شوې وې۔

په دې موقع طالبعلمانو د پخواني ايم اين اے، ايم پي اے او سينيټر په ضد هم نعرې وهلې۔

مظاهرينو ته د طالبعلمانو صدر عبدالحميد آفريدي وينا وه چي د تحصيل باړه پخواني منتخب نمائندګانو، قومي او صوبائي اسمبلئ او سينيټرانو پشمول نورو اعلي چارواکو په وار وار د کالج ستونزو ته متوجه کړي دي خو تر اوسه یې یوه ستونزه هم نه ده حل شوې.

هغه وويل چې د کالج د پرنسپل څوکۍ له تېرو څلورو کلونو راهيسې خالي ده،د ډيرو مضامينو لپاره استادان نشته، لابراتوار نشته، ترانسپورت نشته او دولتي درجې کالج له ټولو اسانتياوو بې برخې دى.

نوموړي له ټولو اړوندو چارواکو او بنسټونو څخه د ستونزو د حل غوښتنه وکړه او ويې ويل، که چېرې زموږ غوښتنې ونه منل شي، په سختو لاريونونو به لاس پورې کړو.