د لاهور هائي کورټ رجسټرار سيکرټري اليکشن کميشن ته خط ليکلي او د عدالتي افسرانو د ضلعي ريټرننګ افسرانو او ريټرننګ افسرانو په توګه د مقررۍ نه ئي معذرت غوښتې دې

باغي ټی وی رپورټ

د لاهور هائي کورټ رجسټرار سيکرټري اليکشن کميشن ته خط ليکلي او د عدالتي افسرانو د ضلعي ريټرننګ افسرانو او ريټرننګ افسرانو په توګه د مقررۍ نه ئي معذرت غوښتې دې۔

دسرچينو له مخې دلاهور هائيکورټ رجسټرار ليکلي چې دچيف جسټس دحکم په اساس مونږ دانتخاباتو لپاره دعدالتي افسرانو دځايې کولو توان نۀ لرو، مونږ ستاسو څخه په دروند زړه بخښنه غواړو.

په خط کې وئيل شوي چې په پنجاب کې دا مهال د13 لاکه 12 زره څخه زيات مقدمې التوا دي، د جوډيشل افسرانو په وړاندې کولو سره به د التوا مقدمې نورې هم زياتې شي.

د لاهور هائي کورټ د رجسټرار د خط د متن له مخې، پنجاب لا له وړاندې د جوډيشل افسرانو له کمي سره مخ دی، په پنجاب کې دا مهال د 825 عدالتي افسرانو کمي ده او اليکشن کميشن ته د عدالتي افسرانو په ورکولو سره به حالات نور هم خراب شي. د پاتې قضیو څخه.