د کراچۍ د خلکو لپاره د نوي کال پیل په داسې حال کې ښه نه دې ځکه د کال لومړۍ میاشت هم د غلو او لوټمارانو راج وو

باغی ټی وی رپورټ

د ښاري پولیسو د اړیکو کمیټې (CPLC) د کال د لومړۍ میاشتې ارقام خپاره کړي چې له مخې یې په کراچۍ کې د ۲۰۲۳ کال په جنورۍ کې ټولټال ۷۲۴۹ پېښې ثبت شوي دي.

د راپور له مخې، د جنورۍ په میاشت کې له ښاریانو څخه ۲۲۷ عرادې موټر غلا شوي، په لومړۍ میاشت کې ۴۲۰ موټرسایکلونه د ټوپک په زور او ۴۲۲۳ موټرسایکلونه په لومړۍ میاشت کې غلا شوي دي.

په راپور کې ویل شوي، چې په جنورۍ میاشت کې هم د وسلو په زور له ښاریانو څخه ۲ زره ۳۷۹ موبايلونه غلا شوي دي.

د CPLC د راپور له مخې، د تېر کال په جنورۍ کې، 400 موټرې، 4,327 موټرسایکلونه غلا شوي او غلا شوي او 2,499 ښاریان د خپلو ګرځنده تلیفونونو څخه بې برخې شوي دي.