باغی ټی وی رپورټ
نن په ټول ملک کښې د کشمير د يووالي ورځ په ملي عزم او جذبې سره نمانځلې کيږي، نن به د کشمير او پاکستان سره د يووالي څرګندولو لپاره په ټولو سړکونو د انساني لاسونو زنجير جوړيږي او د سهار لس بجې به يو سائرن غږول کيږي او یوه دقیقه به خاموش به وی.
د آزاد كشمير د قانون ساز اسمبلۍ خاصه غونډه به نن كېږي په كوم كښې به چې وزيراعظم شهباز شريف د كشمير اسمبلۍ ته خطاب كوي۔
د كشمير د يووالي ورځې په مناسبت خپل ځانګړي پيغام كښې وزيراعظم شهباز شريف وئيلي دي چې هند له 75 كالو راهسې په كشمير ناقانونه قبضه كړې او دا د نړيوالو قوانينو خلاف ورزي ده۔
په خپل پېغام كښې ده ووئيل د كشميريانو سره ولاړ دے او په نړيوالو فورمونو به د هند د وحشیانه اقداماتو څرګندولو ته دوام وركوي۔
د کشمیر د پیوستون په ورځ د بهرنیو چارو وزیر بلاول بهټو زرداري د کشمیریانو مبارزې ته سلامي وکړه.
په خپل يو بيان كښې بلاول بهټو د كشميري اولس اخلاقي، سفارتي او سياسي ملاتړ ته د دوام وركولو عزم څرګند كړو او وئيلي ئې دي چې تر څو چې كشميريان د هند د ظلمونو قرباني وي پاكستان به له چين سره نه كېني۔
په خپل يو بيان كښې ده ووئيل هند په خپله خاوره كشميريان په اقليت بدلولو هڅې كوي، هند دې په مقبوضه كشمير كښې د بشري حقونو سرغړونې بندې كړي۔
Leave a Reply